मुगु । मुगुको गमगढी तारापानी सडकखण्डमा माथिबाट खसेको पहिरोमा पुरिएर एकजना डोजर चालकले ज्यान गुमाएका छन् ।

छायाँनाथ रारा नगरपालिका-३ फुली गाउँमा सडक खन्ने क्रममा माथिबाट खसेको पहिरोले पुरिएर सुर्खेत वीरेन्द्रनगर नगरपालिका-७ का २४ वर्षीय पवन घिमिरेको मृत्यु भएको हो ।

लगातारको वर्षाले उक्त सडकको ठाउँ ठाउँमा पहिरो आई अवरुद्ध भएपछि पहिरो पन्छाउन गएको डोजर फर्कने क्रममा बिहीबार राति बामधारा पुरिँदा चालक घिमिरेको घटनास्थलमै मृत्यु भएको जिल्ला प्रहरी कार्यालय मुगुले जनाएको छ ।

मृतक चालकलाई पोष्टमार्टमका लागि जिल्ला अस्पताल मुगुमा राखिएको छ ।