Jun 05 2026 | २०८३, जेठ २२ गते
05 Jun 2026 | शुक्रवार, जेठ २२ गते २०८३
शुक्रवार, जेठ २२ गते २०८३
Jun 05 2026 | २०८३, जेठ २२ गते
05 Jun 2026 | शुक्रवार, जेठ २२ गते २०८३
काठमाडौं । नेपाली कांग्रेसका नेता रमेश लेखकले संसदमा प्रमुख प्रतिपक्षी दल निकै आक्रामक रहेको बताएका छन् ।
मंगलबारबाट सुरु भएको पार्टी केन्द्रीय समिति बैठकमा संसदमा कांग्रेसको भूमिकाबारे प्रतिवेदन पेश गर्दै नेता लेखकले यस्तो बताएका हुन् ।
नेता लेखकले सबैभन्दा ठूलो दलको हैसियतले गठबन्धनको सरकारलाई स्थिर र स्थायी बनाउन सदनभित्र सबैभन्दा महत्त्वपूर्ण भूमिका निर्वाह गर्नुपर्ने अवस्था रहेको बताए।
नेता लेखकले भने, ‘सत्ता गठबन्धन परिवर्तन भयो त्यसले पनि प्रमुख प्रतिपक्ष आक्रामक छ । आक्रमकमात्रै होइन परिपक्व त छ तर कहिलेकाहीँ अधैर्य देखिन्छ ।एमाले परिपक्व त छ, तर उसमा धैर्यको कमी देखिन्छ। अरू प्रतिपक्ष आक्रामक र अधैर्य छन् । त्यसोभएकाले सत्ता गठबन्धन मात्र होइन कि प्रतिपक्षसँग पनि समन्वयकारी भूमिका निर्वाह गर्नुपर्ने छ ।’
लेखकले रास्वपा, नागरिक उन्मुक्ति, जनमत पार्टीहरुलाई संकेत गर्दै उनीहरुले संसदीय प्रक्रिया बुझ्न अझै समय लाग्न सक्ने बताए ।
कांग्रेस ठूलो दल भएकाले उसको काँधमा सत्ता गठबन्धनमात्रै नभई संसदमा समेत नेतृत्वदायी भूमिका खेल्ने जिम्मेवारी आइलागेको उनले बताए ।
उनले पाँच वटा जिम्मेवारी संसदमा निर्वाह गर्नुपर्ने कांग्रेसमा रहेको भन्दै कानुन निर्माण र सरकारलाई जनताप्रति उत्तरदायी बन्नुपर्ने बताए ।
© 2026 All right reserved to onlinenepal.com
Design & Developed By
