काठमाडौं । जापानको फुकुओका सहरमा आयोजना हुने विश्व एक्वाटिक्स च्याम्पियनसीप २०२३ मा सहभागी हुने नेपाली पौडी टोलीको बिदाई गरिएको छ ।

नेपाली पौडी टोलीलाई राष्ट्रिय खेलकुद परिषद्का सदस्य सचिव टंकलाल घिसिङ्गले राष्ट्रिय झण्डासहित बिदाई गरेका हुन् ।

च्याम्पियनसिप गौरिका सिहसहित चार खेलाडीले खेल्ने छन् । गौरिका, एलेक्जेन्डर गादेगाद शाह, डुवाना लामा र नासिर याह्या हुसेनले प्रतिस्पर्धा गर्नेछन् ।

साउन ७ देखि १३ गतेसम्म हुने च्याम्पियनसिपका लागि उनीहरु नेपाल पौडी संघका अध्यक्ष अशोक बज्राचार्यको नेतृत्वमा जापान जाने छन् । टोली बुधबार जापानतर्फ प्रस्थान गर्ने कार्यक्रम रहेको छ ।