काठमाडौं । नेपाली कांग्रेसका नेता डा.शशांक कोइरालाले थुनामा रहेका पूर्वगृहमन्त्री बालकृष्ण खाँणलाई भेटेका छन् ।

नेता कोइरालाले आज विहान नक्कली भुटानी शरणार्थी प्रकरणमा पुर्पक्षका लागि थुनामा रहेका पूर्वगृहमन्त्री खाँणलाई भेटेका हुन् ।

खाँणलाई भेट्न नेता कोइराला केन्द्रीय कारागार सुन्धारा पुगेका थिए । खाँण र कोइरालाबीच करिब १५ मिनेट कुराकानी भएको थियो ।

नक्कली भुटानी शरणार्थी प्रकरणको अनुसन्धानका लागि खाँण वैशाख २७ गते पक्राउ परेका थिए ।

जिल्ला अदालत काठमाडौंको आदेशमा उनी १ असारमा पुर्पक्षका लागि कारागार पठाइएका थिए ।