काठमाडौं । सिराहास्थित अम्बासमा नेकपा एमालेको सचिवालय बैठक सुरु भएको छ ।
गत भदौ ९ गतेलाई तय भएको सचिवालय बैठक लगातारको वर्षापछि आएको बाढीका कारण स्थगित भएसँगै बैठक आज बुधवार बसेको हो ।
बैठकका लागि नेताहरू बुधवार बिहान काठमाडौं र विराटनगरबाट सिराहा पुगेका थिए । बैठकमा मिसन ग्रासरुट अभियानको समीक्षा हुनेछ ।
साथै केन्द्रीय कमिटी बैठकको मिति पनि सचिवालय बैठकले तोक्ने छ । मदन भण्डारी महासचिवमा निर्वाचित भएको ऐतिहासिक ठाउँको स्मरणमा एमालेले सो ठाउँमा पार्टी सचिवालय बैठक बोलाएको हो ।
बैठकमा भाग लिन अध्यक्ष केपी शर्मा ओली, महासचिव शंकर पोखरेललगायतका नेताहरु आजै त्यहाँ पुगेका थिए ।
Leave a Reply