एजेन्सी । इरानको कारागारमा रहेका पाँच जना अमेरिकी बन्दी छुटेका छन् । कतारको मध्यस्थतामा भएको वार्ता सफल भएपछि बन्दीहरु रिहा भएका हुन् । उनीहरु तेहरानबाट कतारको राजधानी दोहा हुँदै अमेरिका फर्किएका छन् ।

अमेरिकाको प्रतिबन्धपछि दक्षिण कोरीयाली बैंकमा रोकिएको इरानको झण्डै ६ अर्व अमेरिकी डलर फुकुवा गर्न अमेरिका सहमत भएपछि इरानले अमेरिकी बन्दीहरु रिहा गरेको हो ।

दक्षिण कोरियाले उक्त रकम दोहाको बैंकमा रहेको इरान सरकारको खातामा पठाएको हो । रिहा हुनेमा चार पुरुष र एक महिला रहेका छन् ।

उनीहरु चार्टर्ड बिमान मार्फत अमेरिका पुगेका छन् । अमेरिकाको कारागारमा रहेका पाँच जना इरानीलाई रिहा गर्ने सम्झौता पनि भएको छ ।