बाँके । प्रहरीले ब्राउनसुगरसहित २ जनालाई नियन्त्रणमा लिएको छ ।
प्रहरीले नेपालगन्ज र कोहलपुरबाट २ जनालाई ६५ ग्राम १६ मिलिग्राम ब्राउनसुगरसहित नियन्त्रणमा लिएको हो ।
पक्राउ पर्नेमा डुडुवा गाउँपालिका वडा नं. ६ का २८ वर्षीय उदयराज मौर्य र कोहलपुर नगरपालिका वडा नं. १, कौशिलानगरका प्रकाश विक रहेका छन् ।
लागूऔषध नियन्त्रण ब्युरो र वडा प्रहरी कार्यालय, नेपालगन्जको टोलीले मौर्यलाई ५० ग्राम ब्राउनसुगरसहित र विकलाई १५ ग्राम १६ मिलिग्राम ब्राउनसुगरसहित पक्राउ गरेको हो ।
विशेष सूचना पाएर गएको टोलीले विकको कोठामा खानतलासी गर्दा ब्राउनसुगर बरामद गरेको थियो भने मौर्यले भने पाइन्टको खल्तीमा ब्राउनसुगर राखेका थिए । प्रहरी टोलीले शंका लागेर मौर्यलाई जाँच गरेको थियो।
Leave a Reply