काठमाडौं । राहत शिक्षकहरूले आज पनि आन्दोलन जारी राखेका छन्।

नेपाल राहत शिक्षक केन्द्रीय समितिको अगुवाइमा माइतीघर मण्डलमा भेला भएर उनीहरूले विरोध प्रदर्शन गरिरहेका छन्।

विद्यालय शिक्षा विधेयकमा असहमति जनाउँदै उनीहरूले असोज ३ गतेदेखि निरन्तर आन्दोलन जारी राखेका हुन्।

यसअघि सरकार र शिक्षक महासंघबीच ६ बुँदे सहमति भएपनि त्यसमा आफूहरूका माग सम्बोधन नभएको भन्दै राहत शिक्षकहरूलाई निरन्तरता दिएका छन् ।

बुधबार पनि उनीहरुले माइतीघरदेखि बानेश्वरसम्म प्रदर्शन गरेका थिए। प्रदर्शनका क्रममा राहत शिक्षकहरूले निषेधित क्षेत्र तोड्न खोजेपछि प्रहरीले हस्तक्षेप गरेको थियो।