काठमाडौं । नेकपा एमाले बागमती प्रदेशको नेतृत्वसहित कार्यसमिति चयनका लागि शुक्रबार भएको मतदानको मतगणना सुरु भएको छ । एमाले पार्टी कार्यालय च्यासलमा मतगणना सुरु भएको हो ।
निर्वाचन समितिका अनुसार अबको २ घण्टाभित्र मतगणनाको सबै परिणाम आइसक्ने छ । । निर्वाचनमा कुल एक हजार १६७ मतमध्ये एक हजार १३५ मत खसेको थियो ।
पार्टी कार्यालय च्यासलमा भएको मतदानमा ३२ जना भने अनुपस्थत रहेको बताइएको छ । बागमतीको अध्यक्षमा कृष्णप्रसाद दाहाल र कैलाश ढुंगेल प्रतिस्पर्धामा छन् ।
पदाधिकारीका उपाध्यक्ष, सचिव र उपसचिवमा पनि प्यानल बनाएरै दुवै समूह प्रतिस्पर्धामा उत्रिएका छन् । निर्वाचनबाट पाँच पदाधिकारीसहितका २४५ निर्वाचित हुनेछन् ।
Leave a Reply