काठमाडौं । कोरियाबाट फर्किएको दुई सातामै नेपाल प्रहरीका महानिरीक्षक बसन्तबहादुर कुँवर बेलायत भ्रमणमा जाने भएका छन् । आगामी २० असोजमा उनी बेलायत जाने कार्यक्रम तय भएको छ । उनको भ्रमणलाई मंगलरको मन्त्रिपरिषद्को बैठकले स्वीकृत गरेको छ ।

महानिरीक्षक कुँवरसहित सात उच्च अधिकारी गत ३ असोजमा कोरिया भ्रमणबाट फर्किएका थिए । कोरिया सहायता नियोग९कोइका०को आमन्त्रणामा उनी त्यहाँ गएका थिए । साइबर क्राइम अनुसन्धान गर्ने अधिकारी जानुपर्ने कार्यक्रममा उच्च अधिकारी गएका थिए ।

बेलायतमा सुरक्षासम्बन्धि कार्यक्रममा उनी जान लागेका हुन् । प्रहरी दिवसको मुखमा महानिरीक्षक विदेश भ्रमणमा जान लागेकोमा प्रहरी अधिकारीले नै अनौठो मानेका छन् । २९ र ३० असोजमा प्रहरी दिवस मनाउने तयारी छ ।

महानिरीक्षक कुँवरलाई पुलिस चिफहरुको सम्मेलनमा अमेरिका भ्रमणको पनि निम्तो आएकोमा त्यसमा भने उनी नजाने भएका छन् । सो कार्यक्रममा एआइजी टेकप्रसाद राईलाई पठाउन लागिएको छ ।