काठमाडौं । नेकपा एमालेका सांसद रघुजी पन्तले राजनीतिक दलहरु सच्चिनुपर्ने बताएका छन् ।
आइतबार संघीय संसद् भवन परिसरमा सञ्चारकर्मीहरुले राखेका जिज्ञासाको जवाफ दिने क्रममा सांसद पन्तले यस्तो बताएका हुन् ।
उनले गणतन्त्रविरुद्ध बोल्ने राजावादीहरुसँग सवाल जवाफ गर्नेभन्दा पनि गल्ती गर्ने राजनीतिक दल र त्यसका नेताहरु सच्चिएर अघि बढनुपर्ने बताए ।
राजनीतिक दलहरुले जनताको बीचमा जाने कामलाई तीव्रता दिनुपर्ने उनको भनाई छ ।