काठमाडौं । तीनै वटा सुरक्षा निकायका प्रमुख एकैपटक विदेशमा पुगेका छन् । देशमा सुरक्षा जोखिम बढिरहेका बेला सरकारले एकैपटक तीनै सुरक्षा निकायका प्रमुखलाई विदेश जान दिएको हो ।
नेपाली सेनाका प्रधान सेनापति प्रभुराम शर्मा र नेपाल प्रहरीका महानिरीक्षक बसन्तबहादुर कुँवर बेलायत भ्रमणमा छन् । उनीहरू फरक–फरक कार्यक्रममा बेलायत गएका हुन् । यद्यपी दुवै जना बेलायती सरकारकै निमन्त्रणमा गएका हुन् ।
त्यस्तै, सशस्त्र प्रहरीका महानिरीक्षक राजु अर्याल पनि मंगलबार अमेरिका भ्रमणमा निस्किएका छन् । विश्वका प्रहरी प्रमुखहरुको सम्मेलनमा भाग लिन उनी अमेरिका गएका हुन् । नेपाल प्रहरीबाट एआइजी टेकप्रसाद राई पनि सोही कार्यक्रममा भाग लिन अमेरिका गएका छन् ।
राष्ट्रिय अनुसन्धान विभागका प्रमुख हुतराज थापा पनि गत साता मात्र भारत भ्रमणबाट फर्किएका थिए । उनी रअ प्रमुखको निमन्त्रणामा भारत गएका थिए ।
Leave a Reply