इजरायलमा निधन भएका ४ जनाको शव आइतवार ल्याइँदै, हेलिकप्टरमार्फत धनगढी लगिने

काठमाडौं । प्यालेस्टाइनी संगठन हमासको आक्रमणबाट इजरायलमा निधन भएका चारजना नेपालीको शव आइतवार नेपाल आइपुग्ने भएको छ ।

परराष्ट्रमन्त्रीको सचिवालयका अनुसार आइतवार बिहान ९ बजे काठमाडौंको त्रिभुवन विमानस्थलमा शवहरू आइपुग्ने भएका हुन् ।

एनपी साउद र इजरायली राजदूत विमानस्थल पनि विमानस्थल जाने कार्यतालिका छ ।

साथै, शवहरू आइतवार नै नेपाली सेनाको हेलिकप्टरमार्फत् कैलाली सदरमुकाम धनगढी लैजाने तयारी रहेको बताइएको छ ।

हमासको आक्रमणबाट गत हप्ता १० जना नेपालीको निधन भएको थियो ।

प्रतिक्रिया दिनुहोस्

नयाँ अपडेट