कञ्चनपुर । कञ्चनपुरको दोधारा चादँनीबाट ३० वर्षदेखि फरार रहेका अभियुक्तलाई प्रहरीले पक्राउ गरेको छ ।

जिल्ला प्रहरी कार्यालय कञ्चनपुरका अनुसार फरार रहेका अभियुक्त धनबहादुर सुनारलाई आज पक्राउ गरिएको हो ।

उनलाई २०५० फागुन १५ गते जिल्ला अदालत कञ्चनपुरले कुटपिट मुद्दामा छ महिना कैद र दुई हजार जरिवानाको फैसला सुनाएको थियो।

उनलाई कैद सजाय भुक्तानका लागि अदालतमा पेश गरी अदालतले शुक्रबार नै कारागार चलान गरेको प्रहरीले जनाएको छ ।