काठमाडौं । निर्वाचन आयोगका पदाधिकारीहरुले भूकम्पपीडितहरुको राहत र पुनर्स्थापनका लागि सात दिनको पारिश्रमिक बराबरको रकम सहयोग गर्ने भएका छन् ।

आयोगका प्रमुख निर्वाचन आयुक्त र आयुक्तहरुले ७ दिन बराबरको पारिश्रमिक र आयोगसहित प्रदेश र जिल्ला निर्वाचन कार्यालयहरुमा कार्यरत कर्मचारीहरुमध्ये सचिव र सहसचिवहरुबाट ३ दिन, उपसचिव र शाखा अधिकृतहरुबाट २ दिन तथा सोभन्दा तलका कर्मचारीहरुबाट १ दिन बराबरको पारश्रमिक सहयोग गर्ने निर्णय गरेका हुन् ।

आयोगका पदाधिकारी र सदस्यहरुबाट जम्मा भएको रकम प्रधानमन्त्री दैवी प्रकोप उद्धार कोषमार्फत् भूकम्पपीडितको राहतकालागि पठाउने निर्णय गरेको हो ।

१७ कात्तिकमा जाजरकोटलाई केन्द्रविन्दु बनाएर गएको भूकम्पका कारण ठूलो जनधनको क्षति भएको थियो ।