काठमाडौं । नेकपा एमालेको ‘समृद्धिका लागि संकल्प यात्रा’को पाँचौ दिन आज दैलेख र सुर्खेतमा कार्यक्रम हुँदैछ ।

एमालेले सुरु गरेको ‘झुलाघाट-चिवाभञ्ज्याङः समृद्धिका लागि सङ्कल्प यात्रा’ अभियान अन्तर्गत दिउँसो १ बजे सुर्खेतको पार्टी कार्यालय परिसरमा जनसभा गर्न लागिएको हो ।

सुर्खेतको वीरेन्द्रनगरमा हुने जनसभालाई अध्यक्ष एवम् पूर्वप्रधानमन्त्री केपी शर्मा ओलीले सम्बोधन गर्नेछन् । जनसभालाई सम्बोधनपछि अध्यक्ष ओली काँक्रेविहार क्षेत्रको अवलोकन र थारु समुदायले आयोजना गर्ने साँस्कृतिक कार्यक्रममा सहभागी हुने कार्यक्रम छ।

यस्तै अध्यक्ष ओलीले बेलुका ५ बजे सिद्धार्थ होटलमा उद्योगी, व्यापारी र बुद्धिजीवीसँग भेटघाट गर्ने कार्यतालिका छ।

अध्यक्ष ओली सोमवार वीरेन्द्रनगरमै बस्नेछन् भने मंगलवार पूर्वी सुर्खेतका विभिन्न स्थानमा आयोजना गरिएका भेला र भेटघाट कार्यक्रममा सहभागि हुँदै जाजरकोटतर्फ प्रस्थान गर्ने कार्यतालिका छ।