Jun 05 2026 | २०८३, जेठ २२ गते
05 Jun 2026 | शुक्रवार, जेठ २२ गते २०८३
शुक्रवार, जेठ २२ गते २०८३
Jun 05 2026 | २०८३, जेठ २२ गते
05 Jun 2026 | शुक्रवार, जेठ २२ गते २०८३
काठमाडौं । दुबईमा जारी एसीसी यू–१९ एसिया कप क्रिकेट प्रतियोगिताको आजको खेलमा नेपाललाई पहिलो सफलता मिलेको छ । नेपालका बलर गुल्सन झाले अफगानिस्तानको पहिलो विकेट लिएका हुन् ।
उनले अफगानिस्तानका ओपनर ब्याट्सम्यान वफिउल्लाह तराखिललाई १५ रनमा आउट गराएका हुन् । यूएईको दुबईस्थित आईसीसी एकेडेमी मैदानमा नेपालले टस जिती अफगानिस्तानलाई ब्याटिङको निम्तो दिएको हो ।
यी दुबै टोली आफ्नो पहिलो खेलमा पराजित भएकाले आइतबारको खेल जित्नै पर्ने दबाबमा छन् । यो खेलमा विजयी हुने टोलीको सेमिफाइनल सम्भावना जितिव रहने छ भने पराजित हुने टोली समूहगत चरणबाटै घर फर्किने छ ।
पहिलो खेलमा भारतले अफगानिस्तानलाई सात विकेटले र पाकिस्तानले नेपाललाई पनि सात विकेटले हराएका थिए । समूह ‘ए’ अन्तर्गत आइतबार नै भारत र पाकिस्तानबिचको खेल पनि हुँदैछ ।
उक्त खेलमा पाकिस्तानले टस जिती भारतलाई पहिले ब्याटिङको निम्तो दिएको छ । भारत र पाकिस्तानबिचको खेलमा विजयी हुने टोली प्रतियोगिताको सेमिफाइनलमा प्रवेश गर्नेछ ।
© 2026 All right reserved to onlinenepal.com
Design & Developed By
