काठमाडौं । नेकपा एमालेले भारतीय विदेशमन्त्री एस. जयशंकरको नेपाल भ्रमणको क्रममा सरकारले भारतसँग गरेका सहमति र सम्झौताबारे स्पष्ट पार्नुपर्ने माग गरेको छ ।
एमाले सचिवालयको शुक्रबार बसेको बैठकको निर्णयबारे जानकारी गराउँदै पार्टी महासचिव शंकर पोखरेलले यस्तो माग गरेका हुन् ।
बैठकले दुई देशबिचको ज्वाइन्ट कमिसनको मार्फत गरेका सहमति र निर्णयहरुबारे सत्तापक्षले आफूहरूसँग कुनै छलफल र संवाद नगरेकोमा चिन्ता प्रकट गरेको उनले बताए ।
‘राष्ट्रियतका प्रश्नहरूमा सत्ता पक्षले प्रतिपक्षलाई विश्वासमा लिएर मात्रै काम गर्नुपर्नेमा कुनै परामर्श नगरिएको र सम्झौताबारे पनि स्पष्ट नभएकाले आलोचना गर्दै सहमतिका विषय स्पष्ट गर्न माग गर्ने निर्णय बैठकले गरेको छ,’ उनले भने ।
जयशंकरको नेपाल भ्रमणका क्रममा भारतीय दूतावासबाट २० करोडसम्मको रकम विकास गर्न दिने गरी सहमति भएको थियो ।
Leave a Reply