काठमाडौं । जिल्ला प्रहरी परिसर काठमाडौंले अर्काको नागरिकता दुरुपयोग गरी बैंक खाता खोल्ने महिलालाई पक्राउ गरेको छ ।
पक्राउ पर्नेमा काठमाडौंको कागेश्वरी मनोहरा नगरपालिका–२ घर भइ हाल काठमाडौं महानगरपालिका वडा नम्बर २० बस्ने ४० वर्षीया सरस्वती खड्का रहेकी छिन् ।
उनलाई अर्काको नागरिकता प्रयोग गरी बैंकको केवाईसी विवरणमा आफ्नो फोटो टाँसेर खाता खोली अन्य व्यक्तिहरुलाई चेक दिएर दुरुपयोग गरेको कसुरमा पक्राउ गरिएको प्रहरीले जनाएको छ ।
पक्राउ परेकी खड्काविरुद्ध बैंकिङ कसुर सजाय ऐन २०६४ बमोजिम जिल्ला प्रहरी परिसर, काठमाडौंबाट अनुसन्धान भइरहेको छ ।
Leave a Reply