काठमाडौं । नेकपा एमालेका अध्यक्ष केपी शर्मा ओलीले जाति र धर्मका नाउमा द्वन्द्व निम्त्याउने कोसिस भइरहेको बताएका छन् ।
बागलुङको पञ्चकोटमा ब्रमण्डीय महायज्ञको समापन समारोहलाई बुधबार सम्बोधनका क्रममा उनले यस्तो बताएका हुन् ।
उनले नेपाल बहुधार्मिक, बहुभाषिक राज्य भए पनि धर्मको नाम भँजाएर स्वार्थको खेती गर्नेहरू सक्रिय हुन थालेको बताए ।
उनले भने,‘जाति र धर्मका नाउमा द्वन्द्व निम्त्याउने कोसिस भइरहेको छ, यो नेपाल र नेपालीको लागि दुःखद कुरा हो। हामी सचेत हुनु पर्छ ।’