काठमाडौं । नेकपा (माओवाद केन्द्र) ले सांसद नारायण दाहाललाई राष्ट्रियसभा अध्यक्षको उम्मेदवार चयन गरेको छ ।
बालुवाटारमा आइतबार बसेको पदाधिकारी बैठकले मनोनीत सांसद दाहाललाई उम्मेदवार बनाउने निर्णय गरेको हो ।
दाहाल पार्टीका स्थायी कमिटी सदस्य हुन् । उनी प्रधानमन्त्री पुष्पकमल दाहालका भाइ नाता पर्ने व्यक्ति हुन् ।
दाहाल ०७८ फागुन २५ गते राष्ट्रियसभामा मनोनीत भएका थिए । उनको कार्यकाल अब चार वर्ष बाँकी छ । मंगलबार निर्वाचन हुँदैछ ।
Leave a Reply