काठमाडौं । गायक राजेशपायल राईसहित तीनजना कलाकारलाई प्रहरीले नियन्त्रणमा लिएको छ ।
प्रहरीलाई सरुवा गर्ने धम्की दिएपछि गएराति २ बजे काठमाडौंको मदनभण्डारी कलेजनजिकैबाट उनीहरूलाई पक्राउ गरिएको हो ।
मदिरा पिएर होहल्ला गरेपछि स्थानीयले प्रहरीलाई खबर गरेका थिए । प्रहरीले त्यहाँ पुगेर होहल्ला नगर्न आग्रह गर्दा सरुवा गर्ने धम्की दिएको बताइएको छ ।
त्यसपछि प्रहरीले उनीहरुलाई पक्राउ गरेको थियो । तीन कलाकारबाहेक उनीहरूसँगै अन्य पाँचजना पनि पक्राउ गरिएको प्रहरीले जनाएको छ ।
उनीहरुलाई अहिले प्रहरी वृत्त बानेश्वरको हिरासतमा राखेर थप अनुसन्धान भइरहेको छ ।
Leave a Reply