रुकुमपूर्व । एमाले रुकुम पूर्वको ९औं जिल्ला अधिवेशनबाट लिलामणि गौतम सर्वसम्मत अध्यक्षमा चयन भएका छन् ।

गौतमको नेतृत्वमा ७८ सदस्यीय जिल्ला कमिटी सर्वसम्मत चयन गरिएको हो ।

बिहीबार उद्घाटन भएको अधिवेशनपश्चात् आज भएको बन्दसत्रबाट अध्यक्षमा गौतम, उपाध्यक्षमा गोपाल रेउले, सचिवमा तेजेन्द्र बुढा र उपसचिवमा पशुपति खड्का तथा केशकुमारी तुलाचन सर्वसम्मत निर्वाचित भएको निर्वाचन समितिले जनाएको छ ।

यसका साथै ७ सदस्यीय लेखा समितिको संयोजकमा चिन्तामणि दाहाल र सचिवमा शोभाकर शर्मा निर्वाचित भएका छन् ।