मधेश प्रदेशमा बेची लुंगेलीलाई श्रम मन्त्रालयको जिम्मेवारी

जनकपुरधाम। मधेश प्रदेशमा बिना विभागीय मन्त्रीको शपथ लिएकी बेची लुंगेली श्रम तथा यातायात मन्त्रालयको जिम्मेवारी सम्हालेकी छन्।

नेकपा एकीकृत समाजवादीबाट गत वैशाख ६ गते विना विभागीय मन्त्रीको शपथ लिएकी लुंगेलीले आज मन्त्रालयको पदभार ग्रहण गरेकी हुन् ।

यस्तै माओवादी केन्द्रबाट विनाविभागीय मन्त्री रहेका भरतप्रसाद साहले अर्थ मन्त्रालय लिने अडानमा छन् ।

मुख्यमन्त्री सरोजकुमार यादवले चौथोपटक विश्वासको मत लिनु पूर्व अर्थ मन्त्रालय दिने वचन पूरा गर्नु पर्ने उनको माग छ ।

मुख्यमन्त्री यादवले उनलाई अर्थ नदिएर बाँकी रहेको वन तथा वातावरण मन्त्रालय दिन चाहेका छन् ।

तर, साहले उक्त मन्त्रालय लिन अस्वीकार गर्दै आएका छन् ।

प्रतिक्रिया दिनुहोस्

नयाँ अपडेट