काठमाडौं । आईसीसी ट्वान्टी–२० विश्वकपमा पाकिस्तानले अमेरिकालाई १६० रनको लक्ष्य दिएको छ ।
बिहीबार अमेरिकाको टेक्सासस्थित ड्यालसमा जारी खेलमा टस हारेर ब्याटिङमा आएको पाकिस्तानले निर्धारित २० ओभरमा सात विकेट गुमाएर १५९ रनको योगफल खडा गरेको हो ।
पाकिस्तानबाट कप्तान बाबर आजमले सर्वाधिक ४४ रन बनाए ।
अमेरिकाका नोस्थुस केन्जिगेले तीन विकेट लिए । सौरभ नेत्राभाल्करले दुई विकेट लिँदा अली खान र जसदीप सिंहले समान एक विकेट लिए ।
प्रतियोगितामा अमेरिकाको दोस्रो खेल हो भने पाकिस्तानको पहिलो खेल हो । अमेरिकाले यसअघि पहिलो खेलमा क्यानडाविरुद्ध सात विकेटको जित निकालेको थियो ।