Jul 04 2026 | २०८३, आषाढ २० गते
04 Jul 2026 | शनिवार, आषाढ २० गते २०८३
शनिवार, आषाढ २० गते २०८३
Jul 04 2026 | २०८३, आषाढ २० गते
04 Jul 2026 | शनिवार, आषाढ २० गते २०८३
मंगलवार , श्रावण २९, २०८१
काठमाडौं । नेपाली कांग्रेस महामन्त्री गगन थापाले भुटानी शरणार्थी र गिरीबन्धुको विषयबाट सरकार भाग्न नमिल्ने बताएका छन् ।
प्रतिनिधिसभाको विशेष समयमा बोल्दै महामन्त्री थापाले यस्तो बताएका हुन् ।
उनले भुटानी शरणार्थी प्रकरण, गिरीबन्धु जग्गा प्रकरण र डेडिकेटेड र ट्रंक लाइनको विषयमा सदनमा स्पष्ट पार्न सरकारसँग माग गरे ।
महामन्त्री थापाले यो विषयहरूमा सरकार भाग्ने नभइ स्पष्ट जवाफ दिनेतर्फ लाग्नुपर्ने बताए।
महामन्त्री थापाले भने, 'भुटानी शरणार्थी प्रकरण, गिरीबन्धु जग्गा र डेडिकेटेड र ट्रंक लाइनबाट भाग्ने होइन हामीले स्पष्ट पार्ने हो । गिरीबन्धुको विषयमा सर्वोच्च आदेशमा जग्गा फिर्ता गर्ने भन्ने छ । त्यसलाई कारबाही गर्नुपर्यो । तुरुन्त जग्गा फिर्ता ल्याउनुपर्यो।'
उनले अहिले सरकार बन्दै गर्दा यी विषयमा के होला भन्ने चासो प्रकट भएको सन्दर्भमा यसलाई स्पष्ट गर्नुपर्ने उल्लेख गरे ।
उनले संविधान संशोधनका सवालमा पनि समानुपातिक समावेशीतालाई अझ मजबुत बनाउन खोजेको बताए ।
उनले डेडिकेटेड र ट्रंक लाइनको विषयमा सरकारले यसअघिका कुनै पनि निर्णयहरू भन्दा अलग भएर जान नसक्ने बताए । उनले बक्यौताको एक रुपैयाँ पनि छोड्न नसक्ने बताए ।
© 2026 All right reserved to onlinenepal.com
Design & Developed By
