काठमाडौं । नेपाली कांग्रेसको निवर्तमान सभापति शेरबहादुर देउवा समूहले समानान्तर सम्पर्क कार्यालयको औपचारिक उद्घाटन गर्ने निर्णय गरेको छ ।
निवर्तमान कार्यवाहक सभापति पूर्णबहादुर खड्काको गोल्फुटारस्थित निवासमा शुक्रबार बसेको इतर समूहका वरिष्ठ नेताहरूको बैठकले सम्पर्क कार्यालय औपचारिक उद्धाटन गर्ने निर्णय गरेको हो ।
नेता डा. प्रकाशशरण महतले महाराजगन्जमा सम्पर्क कार्यालयका लागि भाडामा लिएको घर अहिले रंगरोगन भइरहेको र असार २२ गते औपचारिक उद्घाटन गर्ने निर्णय भएको जानकारी दिए ।