Jul 01 2026 | २०८३, आषाढ १७ गते
01 Jul 2026 | बुधवार, आषाढ १७ गते २०८३
बुधवार, आषाढ १७ गते २०८३
Jul 01 2026 | २०८३, आषाढ १७ गते
01 Jul 2026 | बुधवार, आषाढ १७ गते २०८३
बिहिवार , मंसिर ६, २०८१
काठमाडौं । प्रधानमन्त्री केपी शर्मा ओलीले जनताले महसुस हुने गरी काम गर्न कडा निर्देशन दिएका छन् ।
प्रधानमन्त्री तथा मन्त्रिपरिषद्को कार्यालय र मातहतका निकायको चालु आर्थिक वर्षको प्रथम चौमासिकको प्रगति समीक्षा तथा मन्त्रालयस्तरीय विकास समस्या समाधान समितिको बैठकमा सम्बन्धित निकायको प्रस्तुतिकरण सुनेपछि प्रधानमन्त्री ओलीले यस्तो निर्देशन दिएका हुन् ।
उनले बैठक, छलफल र प्रशासनिक अल्झनमा मात्रै नलागेर जनताले महसुस हुने गरी काम गर्न कडा निर्देशन दिए । उनले काम गर्ने व्यवहार र मानसिकतामा परिवर्तन गर्न निर्देशन दिए ।
प्रधानमन्त्री ओलीले देश विकास गर्ने प्रतिबद्धताका साथ लागेर स्वच्छ र पारदर्शीरुपमा काम गर्न आग्रह गर्दै सुशासन कायम, राजस्व चुहावट नियन्त्रण, गरिबी निवारण, मुलुकको छवि अन्तर्राष्ट्रियस्तरमा अभिवृद्धि र साधन स्रोतको उपयोग बढाउने गरी काम गर्न स्पष्ट निर्देशन दिए ।
बैठकमा प्रधानमन्त्रीका मुख्य सल्लाहकार विष्णुप्रसाद रिमाल, आर्थिक मामिला सल्लाहकार डा. युवराज खतिवडा, राष्ट्रिय योजना आयोगका उपाध्यक्ष प्रा.डा. शिवराज अधिकारी, मुख्यसचिव एकनारायण अर्याल र सचिवहरु, मातहतका कार्यालयका प्रमुखहरुको उपस्थिति रहेको थियो।
© 2026 All right reserved to onlinenepal.com
Design & Developed By
