मोरङ । जिल्ला प्रहरी कार्यालयमा मोरङ परिसरमा नाराबाजी गरेको भन्दै प्रहरीले तीन जनालाई पक्राउ गरेको छ ।
विराटनगरको महेन्द्र मोरङ क्याम्पसमा बिहीबार भएको झडपपछि नेपाल विद्यार्थी सङ्घको संस्थापन इतर समूहका विद्यार्थीले न्याय नपाएको भन्दै प्रहरी कार्यालय परिसरमै उत्तेजित नारा लगाएका थिए ।
उनीहरुले प्रहरी कार्यालयमा नै आएर अन्याय गर्नेलाई पक्राउ नगरे यही झुन्डिएर आत्महत्या गर्छौंजस्ता नारा लगाएका थिए ।
पक्राउ परेकाहरूको नाम प्रहरीले सार्वजनिक गरेको छैन । तर पक्राउ पर्नेमा सविन दाहाल, गुड्ड साह र चन्द्र गौतम रहेको नेविसङ्घका विद्यार्थीहरूले जनाएका छन् ।