Jun 16 2026 | २०८३, आषाढ २ गते
16 Jun 2026 | मंगलवार, आषाढ २ गते २०८३
मंगलवार, आषाढ २ गते २०८३
Jun 16 2026 | २०८३, आषाढ २ गते
16 Jun 2026 | मंगलवार, आषाढ २ गते २०८३
बुधवार , फाल्गुण २१, २०८१
काठमाडौं । गृहमन्त्री रमेश लेखकले आसन्न स्वतन्त्र विद्यार्थी युनियन स्ववियू निर्वाचनलाई शान्तिपूर्ण वातावरणमा गराउन प्रहरीलाई निर्देशन दिएका छन्।
गृहमन्त्री लेखकले गृह मन्त्रालयमा प्रहरी प्रमुख प्रहरी महानिरीक्षक बसन्त बहादुर कुँवरसहित उच्च पदस्थ प्रहरी अधिकारीहरुलाई मुलुकका विभिन्न क्याम्पसहरूमा हुने स्ववियू निर्वाचनका लागि आवश्यक सुरक्षा प्रबन्ध मजबुत बनाउन निर्देशन दिएका हुन्।
गृहमन्त्री लेखकले निर्वाचन हुने प्रत्येक जिल्लामा जिल्ला प्रहरी कार्यालयमा स्ववियू निर्वाचनकै लागि सम्पर्क व्यक्ति तोकेर निर्वाचन हुने क्याम्पस र आवश्यक सुरक्षा संयन्त्रसित समन्वय गर्न आग्रह समेत गरे।
गृहमन्त्री लेखकले भने,‘प्रहरी प्रधान कार्यालयमा निर्वाचन समन्वयका लागि टिम समेत गठन गर्न निर्देश गरेको छु। निर्वाचन हुने जिल्लामा आवश्यक समन्वयका लागि क्याम्पस प्रशासनलाई प्रमुख जिल्ला अधिकारीसहित सुरक्षा समितिसित समन्वय गर्ने वातावरण बनाइएको छ।’
त्यसका साथै नेपाल प्रहरीले स्ववियू निर्वाचनका लागि सशस्त्र प्रहरी बलसित पनि समन्वय गर्ने गरी काम कारबाही अघि बढाउन निर्देशन दिइएको छ।
प्रहरी प्रमुखसित निर्वाचन सुरक्षाबारे जानकारी समेत लिँदै मन्त्री लेखकले स्ववियू निर्वाचनलाई आम निर्वाचन जत्तिकै गम्भीर रुपमा लिएर सुरक्षा प्रबन्ध मिलाउन आग्रह गरे।
© 2026 All right reserved to onlinenepal.com
Design & Developed By
