काठमाडौं । त्रिभुवन अन्तर्राष्ट्रिय विमानस्थलबाट कोकिनसहित एकजना पक्राउ परेका छन् ।
नेपाल एअरलाइन्सको उडानमार्फत हङकङबाट काठमाडौं आएका सुनसरी घर भएका २५ वर्षीय मनिश राई ३ ग्राम २९ मिलिग्राम कोकिनसहित विमानस्थलबाट पक्राउ परेका हुन् ।
प्रहरीका अनुसार भन्सार कार्यालयको चेकिङ एरियाबाट उनी पक्राउ परेका थिए ।
उनलाई थप अनुसन्धानका लागि लागूऔषध नियन्त्रण ब्यूरोमा पठाइएको प्रहरीले जनाएको छ ।