बागलुङ । नेकपा एमालेका महासचिव शङ्कर पोखरेलले स्थिर सरकार बने मात्रै राजनीतिक स्थायित्व हासिल गर्न सकिने बताएका छन् ।
एमालेले अघि सारेको वडाकेन्द्रित पार्टी निर्माण अभियानअन्तर्गत बिहीबार बागलुङ जिल्लास्तरीय अन्तरक्रिया कार्यक्रमलाई सम्बोधन गर्दै महासचिव पोखरेलले यस्तो बताएका हुन् ।
उनले अस्थिरताको दुश्चक्रबाट नेपाललाई बाहिर ल्याउन एमालेले सङ्कल्प गरेको दाबी गरे ।
अवसरवाद र सौदाबाजीका कारण देशमा सरकार टिक्न नसकेको उनले बताए ।