पाटन अस्पतालबाट एक थुनुवा फरार

अनलाइन नेपाल

बिहिवार , चैत्र ६, २०८१

काठमाडौं । ललितपुरको पाटन अस्पतालबाट एक थुनुवा फरार भएका छन् ।

प्रहरी वृत्त सातदोबाटोको हिरासतमा रहेका अछाम घर भएका दीपक साउद बुधबार दिउँसो फरार भएका हुन् ।

थुनुवा साउद बिरामी भएपछि उपचारका लागि भन्दै पाटन अस्पताल लगिएको थियो ।

सो क्रमा शौचालय जाने भनेर छिरेका उनी दिउँसो ११ बजेतिर फरार भएका हुन । उनी झ्यालबाट हामफालेर भागेको पाइएको छ ।

फरार थुनुवाको खोजी भइरहेको जिल्ला प्रहरी परिसर ललितपुरले जनाएको छ ।

१९ वर्षका साउद १७ वर्षकी किशोरीसँग लिभिङ टुगेदरमा बस्दै आएका थिए । ती किशोरीले केही समयअघि बच्चा समेत जन्माएकी थिइन्।

आफूलाई बेवास्ता गर्न थालेपछि १७ वर्षीया किशोरी बच्चाकी आमाले उनीविरुद्ध बलात्कार जाहेरी दिएकी थिइन् । त्यसपछि साउद पक्राउ परेका थिए ।

प्रतिक्रिया दिनुहोस्

नयाँ अपडेट

थप नयाँ अपडेट

त्रिभुवन विमानस्थलबाट ३० हजार साउदी रियालसहित युवक पक्राउ