Jun 15 2026 | २०८३, आषाढ १ गते
15 Jun 2026 | सोमवार, आषाढ १ गते २०८३
सोमवार, आषाढ १ गते २०८३
Jun 15 2026 | २०८३, आषाढ १ गते
15 Jun 2026 | सोमवार, आषाढ १ गते २०८३
बुधवार , चैत्र १२, २०८१
काठमाडौं । लुटपाटमा संलग्न तीन प्रहरीसहित सात जनाविरुद्ध डकैती तथा क्रिप्टो कारोबारको मुद्दा दायर भएको छ । क्रिप्टो कारोबारीको १४ लाख लुटेको घटनामा संलग्नविरुद्ध बुधबार जिल्ला अदालत, काठमाडौंमा मुद्दा दायर भएको हो ।
प्रहरी वृत्त वानेश्वरका घुमुवा प्रहरीद्वय हवल्दार खगेन्द्र मल्ल ठकुरी र जवान हिरा बहादुर मग्राती तथा सशस्त्र प्रहरीका हवल्दार राजेन्द्रबहादुर केसीविरुद्ध मुद्दा दायर भएको हो ।
उनीहरुले गत १८ फागुनमा क्रिप्टो कारोबारी धादिङ घर भएका रोशन गुरुङको बानेश्वरमा १४ लाख रुपैयाँ लुटेका हुन्। हत्कडी देखाउँदै क्रिप्टो कारोबार मुद्दामा फसाउने भनेर लुटपाट गरेका हुन् ।
यो गिरोहमा संलग्न कपिल वस्नेत, संजोक तामाङ, मनिष कुमार राय र जब्बाद नसिमविरुद्ध पनि मुद्दा दायर भएको छ ।
नसिमलाई रोशनले क्रिप्टो कारोबार गर्ने थाहा थियो । उनले नै प्रहरी लगाएर तर्साई पैसा लुट्ने योजना बनाएका थिए ।
सोहीअनुसार क्रिप्टो किन्न बोलाएर प्रहरी लगाई लुटपाट गराएका हुन् । लुटेकोमध्ये सात लाख सशस्त्र प्रहरीका हवल्दार केसीको खातामा भेटिएको थियो । घटनामा प्रहरी वृत्त वानेश्वरका डिएसपी वीरेन्द्र गोदारको पनि शंकास्पद भूमिका रहेपनि उनीमाथि छानविन भएन।
उता रोशनविरुद्ध भने क्रिप्टो कारोबारको छुट्टै मुद्दा दायर भएको छ । उनीसहित आयुषजंग कार्की र जव्वाद नसिमविरुद्ध एक अर्ब ८७ करोड रुपैयाँ बराबरको बिगो कायम गरी मुद्दा दायर भएको छ ।
© 2026 All right reserved to onlinenepal.com
Design & Developed By
