काठमाडौं । राजावादीले अराजकता र लुटपाट गर्न थालेपछि काठमाडौंमा सेना परिचालन गरिएको छ ।
तीनकुने, कोटेश्वर, जडीबुटी क्षेत्रमा प्रदर्शनले उग्र रूप लिएपछि काठमाडौं जिल्ला प्रशासनले कर्फ्यु लगाएसँगै सेना सडकमा परिचालित भएको हो।
शुक्रबार राजावादीहरूले तीनकुने क्षेत्रमा मच्चाएको अराजकता,लुटपाट र आगजनी काबुमा लिन आफ्नो सैनिक खटाइएको बताइएको छ ।
नेपाली सेनाले सैनिकसहितको गाडी विभिन्न स्थानमा परिचालन गरेको छ । अहिले कोटेश्वरस्थित जडीबुटी उद्योगमा राजावादी आन्दोलनकारीले आगो लगाएपछि नेपाली सेना पुगेको छ।