काठमाडौं । सरकारले पूर्वराजा ज्ञानेन्द्र शाहको सुरक्षामा खटिएको सशस्त्र प्रहरीको टोली फेरिएको छ ।
सशस्त्र प्रहरी बलका डीएसपी जगदीश हमाल नेतृत्वको टोली हटाइएर डीएसपी प्रमोदप्रकाश पाठकको नयाँ टोली परिचालन गरिएको हो ।
पूर्वराजा ज्ञानेन्द्रको निर्मल निवासमा सशस्त्र प्रहरी बलको कार्यदलबाट २५ जनाको टोली खटिँदै आएको थियो । तर पूर्वविशिष्टलाई मापदण्डअनुसार दिइने १६ जनाको टोली यो पल्ट पठाइएको बताइएको छ ।
शुक्रबार काठमाडौंको तीनकुनेमा राजावादीको प्रदर्शन हिंस्रक भएपछि कतिपयले शाहलाई कारबाही गर्न माग गरेका छन् । प्रदर्शन उग्र बन्दा दुई जनाको ज्यान गएको थियो भने भौतिक संरचनामा पनि ढूलो क्षति भएको थियो ।