३० हजार घुस लिने सई खड्काविरुद्ध आरोपपत्र दायर

अनलाइन नेपाल

मंगलवार , बैशाख १६, २०८२

३० हजार घुस लिने सई खड्काविरुद्ध आरोपपत्र दायर

काठमाडौं । अख्तियार दुरुपयोग अनुसन्धान आयोगले रुपन्देहीको दुर्गौलिया प्रहरी चौकीमा कार्यरत प्रहरी नायब निरीक्षक खिम बहादुर खड्काविरुद्ध विशेष अदालत काठमाडौंमा आरोपपत्र दायर गरेको छ ।

भारतबाट भन्सार छली गरी घरेलु प्रयोजनका सामान ल्याउन सहजीकरण गरिदिने भन्दै सेवाग्राहीसँग सई खड्का ३० हजार रुपैयाँ घुस लिएका थिए ।

सोही अभियोगमा अख्तियारले खड्काविरुद्ध मुद्दा चलाएको हो । प्रारम्भिक अनुसन्धानपछि खड्काले घुस मागी लिएको पुष्टि भएपछि आयोगले भ्रष्टाचार निवारण ऐन, २०५९ को दफा ३ (१) अनुसार बिगो ३० हजार रुपैयाँ कायम गरी कैद र जरिवानाको मागदाबीसहित विशेष अदालतमा आरोपपत्र दर्ता गरेको हो ।

आयोगका प्रवक्ता राजेन्द्र कुमार पौडेलका अनुसार उक्त मुद्दामा कैद सजाय र बिगोअनुसार जरिवानाको माग गरिएको छ ।अख्तियार बुटवल कार्यालयबाट खटिएको टोलीले उनलाई ३० हजार रुपैयाँ घुस लिइसकेको अवस्थामा रंगेहात पक्राउ गरेको थियो।

प्रतिक्रिया दिनुहोस्

नयाँ अपडेट

थप नयाँ अपडेट

३० हजार घुस लिने सई खड्काविरुद्ध आरोपपत्र दायर