नेपाल धितोपत्र बोर्डमा अख्तियारको छापा

अनलाइन नेपाल

बुधवार , बैशाख २४, २०८२

काठमाडौं । नेपाल धितोपत्र बोर्डमा अख्तियार दुरुपयोग अनुसन्धान आयोगले छापा मारेको छ ।

आईपीओ निष्कासन स्वीकृति दिनुअघि कमिसन मागेको आरोप निजी ऊर्जा उत्पादकहरूले लगाएपछि अख्तियारले बुधबार बोर्डमा छापा मारेको हो ।

पाइपलाइनमा रहेका आइपीओका विषयमा अख्तियारको टोलीले सोधपुछ गरेको बताइएको छ । आइपीओ निष्कासनका लागि कमिसनको चलखेलको भएको आशंकामा अख्तियारको टोलीले बोर्डका पदाधिकारीसँग सोधपुछ पनि गरेको छ ।

निजी ऊर्जा उत्पादकहरूले आइपीओ निष्कासन स्वीकृति गर्नु अगाडि घुस मागेको आरोप लगाउँदै आएका थिए । सोही आधारमा अख्तियारले छापा मारेको बुझिएको छ ।

आइपीओ निष्कासनका लागि ८९ कम्पनीहरू पाइपलाइनमा रहेका छन् । अख्तियारको टोलीले विभिन्न कागजात समेत लिएर गएको बताइएको छ ।

प्रतिक्रिया दिनुहोस्

नयाँ अपडेट

थप नयाँ अपडेट

नेपाल धितोपत्र बोर्डमा अख्तियारको छापा