Jun 14 2026 | २०८३, जेठ ३१ गते
14 Jun 2026 | आइतवार, जेठ ३१ गते २०८३
आइतवार, जेठ ३१ गते २०८३
Jun 14 2026 | २०८३, जेठ ३१ गते
14 Jun 2026 | आइतवार, जेठ ३१ गते २०८३
शुक्रवार , बैशाख २६, २०८२
धनगढी । सुदूरपश्चिम प्रदेश प्रहरी प्रमुख तथा प्रहरी नायव महानिरीक्षक (डीआईजी) डम्बरबहादुर बिकले प्रदेश प्रहरी गण धनगढीको निरीक्षण गरेका छन् ।
उनले शुक्रबार गणको कार्यालय भवन, विभिन्न शाखा, क्वाटर गार्ड, ब्यारेक र मेसको स्थलगत अवलोकन गर्नुका साथै प्रहरी कर्मचारीहरूसँग प्रत्यक्ष संवाद गरेका हुन् ।
निरीक्षण कार्यक्रममा डीआईजी बिकले राष्ट्र र नागरिकलाई सर्वोपरि राखी उच्च व्यावसायिक निष्ठाका साथ कर्तव्य निर्वाह गर्न प्रहरी कर्मचारीहरूलाई निर्देशन दिए ।
उनले आपसी सद्भाव, सामूहिक भावना र असल आचरणलाई प्रहरी सेवाको आधार मान्दै सेवा प्रवाहमा इमान्दारिता र अनुशासनलाई प्राथमिकता दिनुपर्ने आवश्यकता औंल्याए ।
डीआईजी बिकले संगठनको मिडिया नीति विपरीत सामाजिक सञ्जालको दुरुपयोग नगर्न, गैह्र व्यवसायिक आर्थिक क्रियाकलापमा संलग्न नहुन र प्रहरी आचरण विपरीत कुनै पनि गतिविधिमा नलाग्न चेतावनी दिए ।
साथै बल प्रयोगको अवस्था आइपरेमा मानव अधिकारको सम्मान गर्दै व्यावसायिक रूपमा संयमित ढंगले कार्य सम्पादन गर्न निर्देशन दिँदै उनले प्रहरीको मानसिक तथा शारीरिक स्वास्थ्य जोगाउनुपर्नेमा जोड दिए ।
उनले प्रहरी कर्मचारीका व्यक्तिगत वा व्यावसायिक समस्या तथा गुनासा सम्बन्धित निकायमा विधि र प्रक्रिया अनुसार प्रतिवेदन गर्न सकिने र संगठनले त्यसको यथोचित सम्बोधन गर्ने विश्वास पनि व्यक्त गरे ।
कार्यक्रममा सुदूरपश्चिम प्रदेश प्रहरी कार्यालय धनगढीका सिनियर प्रहरी अधिकृतहरू, गण प्रमुख प्रहरी उपरीक्षक सरोज पौडेल, जिल्ला ट्राफिक प्रहरी कार्यालय कैलालीका प्रमुख तथा अन्य प्रहरी कर्मचारीहरूको उपस्थिति रहेको थियो।
© 2026 All right reserved to onlinenepal.com
Design & Developed By
