काठमाडौं । प्रधानमन्त्री केपी शर्मा ओलीसँग सांसद्हरुले सदनमै प्रत्यक्ष प्रश्नोत्तर गर्ने भएका छन् ।
प्रत्येक महिनाको पहिलो साता प्रतिनिधिसभामा प्रधानमन्त्रीसँग प्रत्यक्ष प्रश्नोत्तर कार्यक्रम गर्ने व्यवस्था नियमावलीमा छ ।
सोही नियमावली अनुसार आगामी जेठ ६ गते प्रधानमन्त्री ओलीसँग सांसद्हरुले प्रत्यक्ष प्रश्नोत्तर गर्ने भएका हुन् ।
यस सम्बन्धी जानकारी सभामुख देवराज घिमिरेले मंगलबार संसद्मा गराएका हुन् ।