एजेन्सी । अमेरिकी राष्ट्रपति डोनाल्ड ट्रम्पले रुसी राष्ट्रपति भ्लादिमिर पुटिनसँग कुरा गर्ने बताएका छन् ।
शनिबार साँझ उनले आफ्नो सामाजिक सञ्जाल ट्रुथ सोसलमा स्थानीय समयअनुसार सोमबार बिहान १० बजे पुटिनसँग कुरा गर्ने जानकारी गराएका हुन् ।
उनले लेखे, 'म सोमबार बिहान १० बजे रुसी राष्ट्रपति भ्लादिमिर पुटिनसँग फोनमा कुरा गर्नेछु। हाम्रो वार्ताको एजेन्डा रक्तपात, मृत्यु रोक्नु र व्यापार हुनेछ ।'
उनले त्यसपछि म युक्रेनी राष्ट्रपति भ्लोदिमिर जेलेन्स्की र त्यसपछि नेटो गठबन्धनका अन्य सदस्यहरूसँग कुरा गर्ने बताए ।