एजेन्सी । अमेरिकी राष्ट्रपति डोनाल्ड ट्रम्पले ‘गोल्डन डोम’ मिसाइल रक्षा प्रणाली स्थापना गर्ने घोषणा गरेका छन् ।
यो प्रणाली उनको कार्यकाल अन्त्यसम्म सञ्चालनमा आउनेछ । जनवरीमा ह्वाइट हाउस फर्केको केही दिनपछि ट्रम्पले प्रणालीको लागि आफ्नो योजनाको अनावरण गरेका हुन् ।
यसले ब्यालिस्टिक र क्रुज मिसाइलजस्ता अमेरिकामाथि हुने नयाँ पुस्ताको हवाई खतराविरुद्ध काम गर्नेछ ।
अमेरिकाको नयाँ बजेट विधेयकमा ‘गोल्डन डोम’ मिसाइल रक्षा प्रणाली स्थापना गर्न २५ बिलियन डलरको प्रारम्भिक रकम राखिएको छ ।
यो प्रणाली विकास गर्न दशकौँ लाग्नसक्ने र सरकारले अनुमान गरेकोभन्दा धेरै महँगो पर्ने बताइएको छ ।