काठमाडौं । जिल्ला प्रहरी परिसर, भद्रकालीको गेटबाटै एक थुनुवा फरार भएका छन् ।
प्रहरी वृत्त स्वयम्भूबाट मुद्दा प्रयोजनका लागि ल्याइएका २४ वर्षीय निशान परियार मंगलबार प्रहरीको आँखै अगाडि भाग्न सफल भएका हुन् ।
परियारलाई अभद्र व्यवहारसम्बन्धी मुद्दामा पक्राउ गरिएको थियो ।
उनलाई अनुसन्धानका लागि भद्रकालीस्थित जिल्ला प्रहरी परिसरमा ल्याइएको थियो। तर परिसरको मुख्य प्रवेशद्वारबाटै उनी फरार भएका हुन् ।
उनको प्रहरीले खोजी कार्य थालेको छ ।