Jun 25 2026 | २०८३, आषाढ ११ गते
25 Jun 2026 | बिहिवार, आषाढ ११ गते २०८३
बिहिवार, आषाढ ११ गते २०८३
Jun 25 2026 | २०८३, आषाढ ११ गते
25 Jun 2026 | बिहिवार, आषाढ ११ गते २०८३
शुक्रवार , जेठ १०, २०८२
काठमाडौं । भिजिट भिसामार्फत मानवतस्करीमा संलग्न भएको आरोपसहित गृहमन्त्री रमेश लेखकलाई पदबाट बर्खास्त गर्न माग गर्दै प्रधानमन्त्री तथा मन्त्रिपरिषद् कार्यालयमा उजुरी परेको छ भने सर्वोच्च अदालतमा रिट निवेदन दायर गरिएको छ ।
युवराज सफलले प्रधानमन्त्री कार्यालयमा उजुरी दिँदै गृहमन्त्री लेखकको सचिवालय नै भिजिट भिसाको सेटिङमा संलग्न भएको र मन्त्रीको प्रत्यक्ष संलग्नता रहेको दाबी गरेका हुन् ।
सो प्रकरणमा अख्तियार दुरुपयोग अनुसन्धान आयोगले गृह मन्त्रालयका सहसचिव तिर्थराज भट्टराई लगायतमाथि अनुसन्धान गरिरहेको छ ।
अख्तियारको प्रारम्भिक छानबिन अनुसार भिजिट भिसा सेटिङ गृहमन्त्रीकै सचिवालयबाट सञ्चालित भएको देखिएको छ। मन्त्री
पदमै रहेका लेखकले छानबिन प्रभावित पार्न सक्ने र प्रमाण लुकाउने सम्भावना भएकाले बर्खास्त गर्नुपर्ने मागसहित अधिवक्ता मधु चौलागाईंले सर्वोच्च अदालतमा रिट निवेदन दायर गरेका छन् । सर्वोच्च प्रशासनले रिट दर्ताबारे आइतबार निर्णय हुने जनाएको छ।
यसअघि सार्वजनिक भएको भिजिट भिसा प्रकरणमा दैनिक ५० लाख रुपैयाँसम्म असुली हुने गरेको विवरण सार्वजनिक भइसकेको छ ।
© 2026 All right reserved to onlinenepal.com
Design & Developed By
