काठमाडौं, । पूर्वराजा ज्ञानेन्द्र शाह शनिबार नाति हृदयन्द्र शाह र श्रीमती कोमल शाहसँगै नारायणहिटी दरबार पुगेका छन् ।
उनीहरूले नारायणहिटीमा बस्दै आएकी ज्ञानेन्द्रकी आमा रत्नराज्यलक्ष्मी देवी शाहलाई भेट गरेका हुन् ।
हृदयन्द्रले हजुरआमा रत्नलाई भेट्ने इच्छा व्यक्त गरेपछि ज्ञानेन्द्र दरबार गएको बताइएको छ ।
राजतन्त्रको अन्त्यपछि ज्ञानेन्द्रले २०६५ जेठ २९ गते नारायणहिटी दरबार छोडेका थिए । यद्यपि, उनकी आमा रत्न शाह भने त्यसयता दरबार परिसरमै रहेको महेन्द्र मञ्जिलमा बस्दै आएकी छन् ।