काठमाडौं । नेकपा एमालेका महासचिव शंकर पोखरेलले विद्यादेवी भण्डारी पूर्वराष्ट्रपतिको हैसियतमा चीन भ्रमणमा गएका बताएका छन् ।
पार्टी कार्यालय च्यासलमा आइतबार बसेको एमाले सचिवालय बैठकपछि उनले यस्तो बताएका हुन् । उनले भण्डारी एमाले आन्दोलनकै नेता भएकाले उनको टिममा एमालेका नेता रहनु स्वाभाविक रहेको बताए ।
यसैबीच, एमालेले जेठ १५ गते गणतन्त्र दिवसलाई देशव्यापी उत्सवका रूपमा मनाउने निर्णय गरेको छ ।
देशभरका सबै पालिकाका साथै काठमाडौं उपत्यकामा गणतन्त्र दिवसलाई उत्सवका रूपमा मनाउने निर्णय गरेको महासचिव शंकर पोखरेलले जानकारी दिए ।