काठमाडौं । पूर्वअर्थमन्त्री जनार्दन शर्माले आव २०८२/०८३ को बजेट परम्पराकै निरन्तरता रहेको प्रतिक्रिया दिएका छन् ।
बिहीबार अर्थमन्त्री विष्णु पौडेलले संसद्मा प्रस्तुत गरेको बजेटमाथि धारणा राख्दै शर्माले यस्तो प्रतिक्रिया दिएका हुन्।
'बजेट निरन्तरता हो, परम्परा हो । विषयहरू लेख्ने सबै लेखिएकै छन्, तिनै कुराहरू दोहोरिने हुन्, कपी-पेस्ट गर्ने हो,' उनले भने, 'अहिले अलिक नाराहरू कम रहेछन् । अरु के भन्न ?'
अहिले नेपालमा देखिएको समस्या समाधानका लागि समग्र अर्थप्रणालीकै सुधार चाहिने शर्माले बताए ।