काठमाडौं । राजसंस्था पुनःस्थापनाको लागि गठित संयुक्त जनआन्दोलन परिचालन समितिले शनिबार पनि आन्दोलनलाई निरन्तरता दिने भएको छ ।
राजसंस्था र हिन्दू राज्य पुनःस्थापनाको माग राख्दै राजावादीहरूले शनिबार दरवार मार्ग क्षेत्रमा प्रदर्शन गर्न लागेका हुन् ।
शुक्रबार काठमाडौंको माइतीघरमा प्रदर्शन गरिएको थियो । प्रदर्शनमा सहभागीहरूले संघीयता खारेज गर, गणतन्त्र खारेज गर, हिन्दुराष्ट्र कायम गरलगायतका नारा लगाएका थिए ।
राजा र जनताबीचको एकतालाई फेरि जोड्ने र सनातन धर्म संस्कृति र परम्परामा आधारित नेपालको मौलिक पहिचानको रक्षा गर्ने आफूहरूको संयुक्त प्रयास भएको समितिले जनाएको छ ।