काठमाडौं ।नेपाल प्रहरीले आज पनि निःशुल्क बस सेवा सञ्चालन गरेको छ ।
यातायात व्यवसायीहरूले आह्वान गरेको बन्दका कारण सार्वजनिक यातायात सेवा प्रभावित भइरहेका बेला प्रहरीले यात्रुहरूको राहतका लागि निःशुल्क बस सेवा सञ्चालन गरेको हो ।
बन्दका कारण उपत्यकाका विभिन्न भागहरूमा सर्वसाधारण अलपत्र परिरहेका बेला नेपाल प्रहरीले ट्राफिक प्रहरी महाशाखाको समन्वयमा विभिन्न रुटहरूमा निःशुल्क बस सेवा सञ्चालन गर्दै आएको हो ।
विशेष गरी कार्यालय समयमा यात्रामा समस्यामा परेका विद्यार्थी, कर्मचारी, वृद्धवृद्धा तथा बिरामीहरूलाई लक्ष्य गरी बस सेवा उपलब्ध गराइएको छ।