घाँस काट्दै गर्दा पहिरोले पुरिएर बुवाको मृत्यु, १३ वर्षीय छोरा बेपत्ता

अनलाइन नेपाल

बुधवार , आषाढ २५, २०८२

घाँस काट्दै गर्दा पहिरोले पुरिएर बुवाको मृत्यु, १३ वर्षीय छोरा बेपत्ता

काठमाडौं । म्याग्दीको मालिका गाउँपालिका–३ लुप्सीपारमा आज दिउँसो पहिरो जाँदा एक जनाको मृत्यु भएको छ भने अर्का एक नाबालक बेपत्ता भएका छन् ।

लुप्सीपारका ३५ वर्षीय जगेन्द्र विकको पहिरोमा पुरिएर मृत्यु भएको हो। उनका छोरा अन्दाजी १३ वर्षका सरोज विक बेपत्ता भएका जिल्ला प्रहरी कार्यालय म्याग्दीले जनाएको छ ।

घर नजिकैको बारीको पाखामा घाँस काट्ने क्रममा अचानक माथिबाट पहिरो खसेर दुवैलाई पुरेको स्थानीयले बताएका छन्।

बेपत्ता बालकको खोजीका लागि जनप्रतिनिधि, स्थानीयवासी र इलाका प्रहरी कार्यालय दरवाङका प्रहरी निरीक्षक सोमढास ढकालको नेतृत्वमा सुरक्षाकर्मीको टोली घटनास्थलमा परिचालन भएका छन्।

बुधबार नै म्याग्दीको धौलागिरिमा पहिरो खस्दा झन्डै १० मिनेट म्याग्दी नदी थुनिएको थियो । मंगलबाररातिदेखि अविरल वर्षा हुँदा बाग्लुङ, म्याग्दी र पर्वत जिल्लामा बाढी पहिरोका घटना बढेका छन् ।

प्रतिक्रिया दिनुहोस्

नयाँ अपडेट

थप नयाँ अपडेट

घाँस काट्दै गर्दा पहिरोले पुरिएर बुवाको मृत्यु, १३ वर्षीय छोरा बेपत्ता